San Miguel nga langitnon
Arkangel nga marahalon
Imo kami panabangan
Kalo-uyan mo guihapon.
Imo kami panabangan
Kalo-uyan mo guihapon.
Nagpaka Dios an Suyadnon,
Kay dire masinugtanon,
Nakiki-away haimo
Ug imo hiya guid da-og.
Imo kami panabangan
Kalo-uyan mo guihapon.
Sin-o an masugad sa Dios
Amo an imo pinamulong
Ug nada-og mo an yawa
Pati iya mga sakop.
Imo kami panabangan
Kalo-uyan mo guihapon.
Para-ugop ka nga tutuo
Sa Israel nga Bungto,
Mananabang nga matu-od
Sa mga matinumanon.
Imo kami panabangan
Kalo-uyan mo guihapon.
Sa Dios ka tinatapuran
Ha mga kalag hin pagmangno
Ug pag-upod man ha ira
Ha himaya nga dumayon.
Imo kami panabangan
Kalo-uyan mo guihapon.
Ikaw man an Sinugo
Ha Dios hin pagpasabot
Kan Daniel nga manaragna
Hin mga kaurusahon.
Imo kami panabangan
Kalo-uyan mo guihapon.
Mga katingalahan hadto
An imo guinpahibaro
Mga misterio urugdon
Kaupayan gud han tawo.
Imo kami panabangan
Kalo-uyan mo guihapon.
Adton babaye nga ngula
Ha Laodecia nga Bungto
Guin upay mo o guilayon
Ha dako nga pagmilagro.
Imo kami panabangan
Kalo-uyan mo guihapon.
Sa pagkatahod hin dako
Ha imo pagkaharangdon
Nagpabuhat hin singhaban
Arampu-an han Kristianos.
Imo kami panabangan
Kalo-uyan mo guihapon.
Didto ha bukid nga Gargano
Han pakapapa ni Gelacio
Nahimo nga paramangno
Pagbantay han mga hayop.
Imo kami panabangan
Kalo-uyan mo guihapon.
Sinulod daw hin lungeb
In tudo nga mapintason
Kay binulag daw hiya
Ha kabakahan nga damo.
Imo kami panabangan
Kalo-uyan mo guihapon.
Iguin pana gud han bantay
Ug nahi-untol an udiong
Naigu-an ug nabuno
Adton bantay paramangno.
Imo kami panabangan
Kalo-uyan mo guihapon.
An Obispo sa Siponto
Nahibaro hiya layon
Hinen kaagui urusahon
Hinen dako nga Milagro.
Imo kami panabangan
Kalo-uyan mo guihapon.
Nagsugo hin pagpu-asa
Sakop hin tulo kaadlaw
Pinamati-an man sa Dios
An iya mga pag-ampo.
Imo kami panabangan
Kalo-uyan mo guihapon.
Su San Miguel nagpahayag
San iya napahibaro
Nga didto hiton nga lungeb
In singbahan pabuhaton.
Imo kami panabangan
Kalo-uyan mo guihapon.
Agud kita panggawson
Han ngatanan nga mara-ut
Pagtahuron ta pag-udgon
Sin San Miguel marahalon.
Imo kami panabangan
Kalo-uyan mo guihapon.
Agud kita panhatagan
Han pahuwayan nga dayon
Pangamaya kita haiya
Pangaraba gud hin agsob.
Imo kami panabangan
Kalo-uyan mo guihapon.
San Miguel nga langitnon
Arkangel nga marahalon
Imo kami panabangan
Kalo-uyan mo guihapon.
Imo kami panabangan
Kalo-uyan mo guihapon.
Amen.